қамтамасыз ету алқабы

(Полоса обеспечения)

қарсыласпен түйіспейтін тысқары жерде қорғанысқа көшу кезінде, әдетте, бірінші эшелонда, қорғалатын әскерлердің маңдайшебінің алдында, ал кейбір жағдайда қашықтықтағы қорғаныс шебінің алдында құрылатын алқап. Қ.е.а-н құрудың мақсаты: қарсыласты қорғанысының шын құрылысынан жаңылдыру және оны дайындау үшін уақыт ұту, қарсыластың күштері мен құрамын, іс-қимыл бағытын және сипатын уақытында анықтау, қарсыластың шабуылын кідірту, оның басты күштерінің алдын ала жазылуына және өзіне ыңғайлы бағытта шабуылдауға мәжбүр ету, оның адам күштері мен техникасын қорғаныс шебінің алғы шебіне жеткізбей шығынға ұшырату. Қ.е.а-ның тереңдігі операция мақсаты мен мәнісіне, жергілікті жердің сипатына, сондай-ақ қорғанысты ұйымдастыруға берілген уақытқа байланысты анықталады. Қ.е.а. бірнеше позициядан, қорғаныс тораптарынан және бөгеттер жүйесінен тұруы мүмкін. Қ.е.а. минажарылғыш бөгеттер, торуылдар, қиратулар және т.б. кеңінен қолданылып, дайындалған позицияларда кезекпен ұрыс қимылдарын жүргізетін қалқалаушы әскерлердің алдыңғы жасақтарымен немесе бөлімдерімен қорғалады.